Hoppa yfir valmynd

Samráð við ESA um drög að ákvörðun varðandi heildsölugjaldskrá Mílu fyrir ljósbylgjur og breyting á viðmiðunartilboði leigulína

Fréttasafn
09. janúar 2024

Samráð við ESA um drög að ákvörðun varðandi heildsölugjaldskrá Mílu fyrir ljósbylgjur og breyting á viðmiðunartilboði leigulína

Í dag sendi Fjarskiptastofa ákvörðunardrög varðandi kostnaðargreiningu Mílu hf. á heildsöluverðum fyrir ljósbylgjur og breytingu á viðmiðunartilboði leigulína til ESA, Eftirlitsstofnunar EFTA.  

Fjarskiptastofa hyggst samþykkja kostnaðargreiningu Mílu hf. fyrir ljósbylgjur og samhliða breytingu á viðmiðunartilboði fyrirtækisins.

Í meðfylgjandi drögum er forsendum og aðferðum við greiningu á kostnaði lýst nánar. Í viðauka I er lýsing á því hvernig vegið meðaltal fjármagnskostnaðar er ákvarðað.

Frumdrög að ákvörðun um heildsölugjaldskrá fyrir ljósbylgjur og breytingu á viðmiðunartilboði leigulína fór í innanlandssamráð sem stóð frá 24. nóvember til 27. desember 2023. Athugasemdir bárust frá Nova hf. Fjarskiptastofa sendi athugasemdirnar til umsagnar hjá Mílu. Í viðauka II má finna athugasemdir Nova hf., andsvör Mílu og afstöðu Fjarskiptastofu. Fjarskiptastofa telur að þær athugasemdir sem komu fram í innanlandssamráðinu kalli ekki á breytingar á fyrirhugaðri niðurstöðu Fjarskiptastofu um verðskrá fyrir ljósbylgjur. Einnig fylgja með viðaukar sem sýna breytingar á viðmiðunartilboði Mílu hf.

Ákvörðunardrögin hafa nú verið send til ESA og annarra eftirlitsstofnana á EES-svæðinu til samráðs með vísan til 28. gr. laga nr. 75/2021 um Fjarskiptastofu og tilmæla ESA frá 2009 um slíkt samráð. Umræddir aðilar hafa einn mánuð til að setja fram athugasemdir við ákvörðunardrögin. Eftir það getur Fjarskiptastofa formlega tekið ákvörðun nema fram komi óskir frá ESA um að Fjarskiptastofa dragi ákvörðunardrögin til baka. Ekki er gert ráð fyrir því að innlendir hagsmunaaðilar geri athugasemdir við ákvörðunardrögin að þessu sinni.

Ákvörðunardrögin og viðaukar
Drög að ákvörðun um kostnaðargreining og breytingu á viðmiðunartilboði vegna ljósbylgna til birtingar
Viðauki I WACC 2022
Viðauki II Athugasemdir úr samráði, svör Mílu og afstaða FST
Viðauki III Breytingar á viðauka 1 í viðmiðunartilboði leigulína
Viðauki IV Breytingar á viðauka 3 í viðmiðunartilboði leigulína
Viðauki V Breytingar á viðauka 2a í viðmiðunartilboði leigulína

Skjölin á ensku
Draft decision Míla tariff for optical waves (Public)
Appendix I WACC calculations for 2022 (Public)
Appendix II Comments from the national consultation (Public)