Hoppa yfir valmynd
Ákvarðanir

Númer

5/2022

Heiti

Kæra á ákvörðun Fjarskiptastofu nr. 8/2022, aðgangur að landi í Þykkvabæ.

Dagsetning

20.12.2022

Málsaðilar

Engir skráðir málsaðilar

Málaflokkur

Uppbygging, samnýting, aðgangur o.fl.

Lagagreinar

  1. gr. Aðgangur að landi.
  1. gr. Aðgangur að heimtaugum.

Reifun

Með ákvörðun FST nr. 8/2022 frá 22. september 2022 komst stofnunin að þeirri niðurstöðu að þrátt fyrir tiltekna hnökra á framkvæmd samráðs af hálfu Ljósleiðarans við landeigendur að þá uppfyllti það kröfur laga um samráð fjarskiptafyrirtækja við landeigendur um val á lagnaleið. Að þessu skilyrði uppfylltu var það niðurstaða FST að Ljósleiðarinn ætti bótalaust rétt til aðgangs að jörðum í Þykkvabænum til lagningar á ljósleiðarastreng samkvæmt hnitsettri lagnaleið sem tilgreind var í viðauka við ákvörðunina.

Niðurstaða FST samkvæmt ákvörðun nr. 8/2022 var kærð til úrskurðarnefndar fjarskipta- og póstmála (ÚFP) með bréfi eins landeigenda, dags. 18. október 2022, en jafnframt fyrir hönd tiltekins hóps landeigenda. Fallist var á kröfu landeigenda um frestun réttaráhrifa hinnar kærðu ákvörðunar, sbr. úrskurð í kærumáli nr. 5/2022 frá 25. nóvember 2022. Í efnislegri niðurstöðu kærumálsins þann 20. desember s.l. tók ÚFP undir með FST að þótt að hnökrar hefðu verið á framkvæmd samráðs Ljósleiðarans við landeigendur að þá uppfyllti það skilyrði laga. Niðurstaða FST var síðan efnislega staðfest en þó á aðeins breyttum forsendum. Annars vegar taldi ÚFP að kveða hefði átt um aðgangsréttinn á grundvelli 34. gr. nýrra laga um fjarskipti nr. 70/2022 í stað 69. gr. eldri fjarskiptalaga laga nr. 81/2003 sem voru í gildi þegar ágreiningur Ljósleiðarans og landeigenda kom fram og þegar kvörtunin barst og var tekin til meðfarðar af hálfu Fjarskiptastofu. Efnisinntak ákvæði eldri og nýrra laga er þó efnislega hið sama. Hins vegar taldi ÚFP að FST væri ekki bært stjórnvald til að taka afstöðu til mögulegra bóta og fjárhæð þeirra. Slíkt væri í höndum matsnefndar eignarnámsbóta. Voru ákvörðunarorð hinnar kærðu ákvörðunar breytt til samræmis við þessar forsendur.    

Tengt efni

Ekkert tengt efni skráð