Fjarskiptastofu (FST) barst erindi frá Símanum með kröfu um aðgang að tilteknu myndefni sem sænska efnisveitan Viaplay hefur sýningarrétt á. Var krafan byggð á 45. gr. laga um fjölmiðla nr. 38/2011. Efnisveitan Viaplay er skráð fjölmiðlaveita í Svíþjóð. Var það niðurstaða Fjarskiptastofu, að fengnu áliti Fjölmiðlanefndar, að flutningsreglur íslenskra fjölmiðlalaga næðu ekki til efnisveitu sem er skráð fjölmiðlaveita utan lögsögu Íslands. Var kröfu Símans því vísað frá.