Ákvörðun þessi byggir á ákvörðun PFS nr. 22/2016, dags. 23. desember 2016, um útnefningu fyrirtækja með umtalsverðan markaðsstyrk og álagningu kvaða á heildsölumörkuðum fyrir lúkningu símtala í föstum almennum talsímanetum. Kveðið er á um í hinni nýju ákvörðun að heildsöluverð fyrir lúkningu símtala í föstum almennum talsímanetum skuli vera að hámarki 0,12 kr./mín. fyrir tímabilið 1. janúar 2019 til 31. desember 2019. Núverandi lúkningarverð, 0,11 kr. á mínútu, mun gilda áfram óbreytt til og með 31. desember 2018.