Ákvörðun þessi byggir á ákvörðun PFS nr. 20/2015, dags. 31. júlí 2015, um útnefningu fyrirtækja með umtalsverðan markaðsstyrk og álagningu kvaða á heildsölumörkuðum fyrir lúkningu símtala í einstökum farsímanetum. Kveðið er á um í hinni nýju ákvörðun að heildsöluverð fyrir lúkningu símtala í einstökum farsímanetum skuli vera að hámarki 0,96 kr./mín. fyrir tímabilið 1. janúar 2019 til 31. desember 2019. Núverandi lúkningarverð, 0,97 kr. á mínútu, mun gilda áfram óbreytt til og með 31. desember 2018.