Fjarskiptastofa kallar eftir áformum um lagningu ljósleiðara-aðgangsneta 2024-2026
Fjarskiptastofa kallar eftir áformum um lagningu ljósleiðara-aðgangsneta 2024-2026
Samkvæmt 2. mgr. 11. gr. laga um Fjarskiptastofu nr. 75/2021, er stofnuninni heimilt að kanna áform um uppbyggingu eða uppfærslu fjarskiptaneta. Tilgangur slíkrar könnunar er m.a. að leiða í ljós hvar fjarskiptanet verða byggð upp á markaðsforsendum.
Með bréfi dags. 13. mars 2024, óskaði fjarskiptasjóður eftir því að Fjarskiptastofa kalli eftir áformum fjarskiptafyrirtækja og opinberra aðila um uppbyggingu ljósleiðara-aðgangsneta á þéttbýlisstöðum og í byggðakjörnum fyrir árslok 2026. Þess er óskað að úrvinnslu áformakönnunar verði lokið svo fljótt sem auðið er. Sjóðurinn hyggst nýta tímann í millitíðinni og undirbúa styrkúthlutunarferli vegna uppbyggingar ljósleiðara-aðgangsneta utan markaðssvæða á þéttbýlisstöðum og byggðakjörnum með það fyrir augum að hefja framkvæmd styrkveitinga í kjölfarið.
Skorað er á alla aðila sem hafa áform um uppbyggingu ljósleiðara-aðgangsnets fyrir árslok 2026 að senda Fjarskiptastofu upplýsingar um áformin.
Sjá nánar um framkvæmd og skilafrest (PDF skjal)
Fylgiskjal: Staðfangaskráning (XLSX skjal)
Skila ber öllum upplýsingum og fylgigögnum til Fjarskiptastofu eins fljótt og auðið er og eigi síðar en kl. 12:00, föstudaginn 13. apríl nk.
ATHUGIÐ framlengdan skilafrest til 19. apríl nk.
Skila skal gögnum inn á eftirfarandi svæði: Gögn til Fjarskiptastofu (fjarskiptastofa.is).
Svarendum er gefinn kostur á að koma á framfæri sjónarmiðum sínum varðandi framkvæmd þessarar könnunar og úrvinnslu hennar.
Ef frekari upplýsinga er þörf á meðan á könnun stendur má senda fyrirspurnir á sigurjon@fjarskiptastofa.is.
Beiðni um upplýsingar er varða aðkomu Fjarskiptasjóðs óskast sendar á netfangið: otto.winther@hvin.is
Fyrirspurnir skulu berast eigi síðar en kl. 12:00 þann 5. apríl nk.
Fjarskiptastofa mun birta fyrirspurnir og svör hér á þessari síðu svo fljótt sem auðið er og eigi síðar en þann 9. apríl nk.