Fréttasafn
12. júní 2020
Truflanir á farsímasambandi á höfuðborgarsvæðinu og víðar
Nánar
Á undanförnum vikum og misserum hefur í vaxandi mæli orðið vart við truflanir á farsímasambandi á höfuðborgarsvæðinu sem tengist bilun í örbylgjuloftnetum. Loftnetin voru notuð til að dreifa Fjölvarpinu fram til 2017 þegar þeim útsendingum var hætt. Örbylgjuloftnetin eru enn víða á húsum og ef þau eru enn í sambandi við rafmagn veldur það truflunum á farsímasambandi í og við þau hús.
10. júní 2020
Skil á milli markaða varðandi leigulínur Mílu til sendastaða
Nánar
Með ákvörðun PFS nr. 5/2020, dags. 29. maí sl., leysti PFS úr ágreiningi sem uppi hafði verið milli Mílu ehf. (Míla) og Póst- og fjarskiptastofnunar (PFS) um skil á milli leigulínumarkaða að því er varðar tengingar til farsímasendastaða.
4. júní 2020
Skilafrestur umsagna um markaðsgreiningu á heildsölumörkuðum staðaraðgangs og miðlægs aðgangs framlengdur
Nánar
Skilafrestur athugasemda og umsagna hefur nú verið framlengdur til og með 10. júlí nk.
26. maí 2020
Póst- og fjarskiptastofnun auglýsir tvö ný störf - Umsóknarfrestur er til 4. júní.
Nánar
PFS auglýsir eftir starfsfólki í 2 nýjar stöður, í netöryggissveit PFS annars vegar og hins vegar í lögfræðideild stofnunarinnar.
18. maí 2020
Óskað er eftir athugasemdum hagsmunaaðila, ef einhverjar eru, vegna tilkynningar Íslandspósts ohf. um breytingar á gjaldskrá um magnpóst
Nánar
Íslandspóstur ohf. hefur um árabil boðið upp á sérstaka afsláttargjaldskrá fyrir magnpósts. Með tilkynningu, dags. 12. maí sl. tilkynnti fyrirtækið um breytingar á þeim afsláttarkjörum sem í gildi hafa verið frá því á árinu 2012 um magnpóst. Áætlar ÍSP að breytingarnar taki gildi þann 1. september 2020.
14. maí 2020
Íslenskur fjarskiptamarkaður í tölum - Tölfræðiskýrsla PFS fyrir árið 2019 komin út
Nánar
Tvisvar á ári safnar Póst- og fjarskiptastofnun (PFS) upplýsingum frá skráðum fjarskiptafyrirtækjum hér á landi um ýmsar stærðir í rekstri og þjónustu á sviði fjarskipta. Upp úr þeim tölum vinnur stofnunin tölfræðiskýrslur sem sýna upplýsingar um helstu stærðir og fyrirtæki á íslenskum fjarskiptamarkaði. Markmiðið er að bæta upplýsingagjöf og auka gagnsæi á þessum markaði og eru skýrslur PFS í samræmi við þær skýrslur sem systurstofnanir PFS í nágrannalöndum okkar gefa út.
14. maí 2020
Ný tilkynningagátt um öryggisatvik hefur verið opnuð
Nánar
Gáttin, oryggisbrestur.island.is, sem Sigurður Ingi Jóhannsson, samgöngu- og sveitarstjórnarráðherra, opnaði með formlegum hætti í dag, mun auðvelda tilkynningar fyrirtækja og stofnana um öryggisatvik í rekstri þeirra. Gáttin er samvinnuverkefni Persónuverndar, Póst- og fjarskiptastofnunar/CERT-IS og Lögreglunnar undir forystu samgöngu- og sveitarstjórnarráðuneytisins.
6. maí 2020
Óskýrleiki um hvenær aukaþráður innanhússfjarskiptalagna getur talist vera ónothæfur – Ákvörðun PFS felld úr gildi að hluta
Nánar
Að áliti ÚFP eru reglur um innanhússfjarskiptalagnir ekki skýrar um það hvenær laus aukaþráður innanhússfjarskiptalagna sé ónothæfur vegna skemmda eða ónógrar lengdar. Taldi ÚFP tilefni fyrir PFS að taka reglurnar til endurskoðunar hvað þetta varðar.