Fréttasafn
28. mars 2014
Frestur til athugasemda við umræðuskjal um alþjónustuskyldur varðandi aðgang að almenna fjarskiptanetinu er framlengdur til 23. apríl 2014
Nánar
Póst- og fjarskiptastofnun hefur ákveðið að framlengja frest hagsmunaaðila til að skila inn athugasemdum og umsögnum um umræðuskjal um alþjónustuskyldur varðandi aðgang að almenna fjarskiptanetinu.
28. mars 2014
PFS samþykkir beiðni Gagnaveitu Reykjavíkur um hlutafjárhækkun í félaginu
Nánar
Póst- og fjarskiptastofnun (PFS) hefur birt ákvörðun sína nr. 2/2014 frá 24. mars sl. um beiðni Gagnaveitu Reykjavíkur ehf. (GR) um samþykki PFS fyrir hlutafjáraukningu í félaginu. Niðurstaða PFS var sú að samþykkja beiðni GR varðandi 3,5 milljarða kr. hlutafjáraukningu í félaginu sem Orkuveita Reykjavíkur (OR) yrði greiðandi að, en OR á fyrir allt hlutafé í GR.
27. mars 2014
Skýrsla netöryggissveitar PFS vegna netárásar á Vodafone í nóvember sl.
Nánar
Póst- og fjarskiptastofnun birtir nú skýrslu netöryggissveitar stofnunarinnar, CERT-ÍS, um viðbrögð og aðgerðir sem gripið var til þegar tilkynnt var um innbrot á vefsíður Vodafone á Íslandi þann 30. nóvember sl. og miklu af viðkvæmum gögnum lekið á netið.
25. mars 2014
PFS telur sendingu vefskilaboða á "Mínum síðum" á vefsvæði Fjarskipta hf. falla undir gildissvið fjarskiptalaga og valdssvið stofnunarinnar.
Nánar
Póst- og fjarskiptastofnun (PFS) hefur birt ákvörðun sína nr. 1/2014 um afmörkun gildissviðs fjarskiptalaga, nr. 81/2003, vegna vefsvæðis Fjarskipta hf. (Vodafone). Í ákvörðuninni kemst PFS að þeirri niðurstöðu að sú þjónusta sem veitt var á „Mínum síðum“ félagsins telst vera almenn fjarskiptaþjónusta í skilningi laganna og það fjarskiptanet sem notað var fyrir veitingu þjónustunnar telst vera almennt fjarskiptanet.
24. mars 2014
PFS afturkallar samráð við ESA vegna markaðar 6
Nánar
Þar sem fórst fyrir að svara athugasemdum sem bárust frá einum markaðsaðila afturkallar PFS samráð við ESA á markaði 6.
21. mars 2014
Samráð við ESA um markaðsgreiningu á leigulínumörkuðum
Nánar
Í dag sendi Póst- og fjarskiptastofnun (PFS) til Eftirlitsstofnunar EFTA (ESA) drög að tveimur ákvörðunum er lúta að markaðsgreiningum á leigulínumörkuðum. Annars vegar er um að ræða heildsölumarkað fyrir lúkningarhluta leigulína (markaður 6) og hins vegar smásölumarkað fyrir lágmarksframboð af leigulínum (áður markaður 7). Þriðji leigulínumarkaðurinn, þ.e. heildsölumarkaður fyrir stofnlínuhluta leigulína (áður markaður 14), verður greindur á næstu mánuðum. PFS hyggst viðhalda útnefningu Mílu, sbr. ákvörðun PFS nr. 20/2007, sem fyrirtæki með umtalsverðan markaðsstyrk á heildsölumarkaði fyrir lúkningarhluta leigulína (markaður 6) og álagningu viðeigandi kvaða á félagið. Þrátt fyrir innkomu Gagnaveitu Reykjavíkur ehf. og fleiri staðbundinna netrekenda er markaðshlutdeild Mílu enn um 70-80% samkvæmt algengustu viðmiðum um markaðshlutdeild og eru enn verulegar aðgangshindranir ríkjandi á viðkomandi markaði að mati PFS.
17. mars 2014
Frestur til athugasemda á samráði um samnýtingu tíðna Vodafone og Nova framlengdur til 28. mars n.k.
Nánar
Póst- og fjarskiptastofnun hefur ákveðið að framlengja frest hagsmunaaðila til að skila inn athugasemdum og umsögnum í samráði um fyrirhugaða ákvörðun stofnunarinnar um að heimila samnýtingu á tíðnum Fjarskipta hf. og Nova ehf. sem félögunum hefur verið úthlutað til veitingar GSM, UMTS/3G og LTE/4G þjónustu á 800 MHz, 900 MHz (að undanskildum 2x5 MHz), 1800 MHz og 2100 MHz tíðnisviðunum.
7. mars 2014
Framlengdur skilafrestur athugasemda í tveimur samráðum vegna aðgangsleiðar 1 (markaður 5)
Nánar
Póst- og fjarskiptastofnun hefur ákveðið að framlengja frest hagsmunaaðila til að skila inn umsögnum og athugasemdum vegna tveggja samráða varðandi aðgangsleið 1 (markaður 5), sem auglýst voru þann 21. febrúar sl. Annars vegar er um að ræða afmarkað aukasamráð um kostnaðargreiningu fyrir aðgang að heildsöluskiptum vegna aðgangsleiðar 1 og hins vegar samráð um viðauka vegna aðgangsleiðar 1 hjá Mílu og viðbótarþjónustu. Nýr frestur til að skila inn umsögnum um samráðsskjölin er til og með 11. mars 2014.